সৰু সৰু কথাবোৰ ।
১) আজি জাগীভকত গাঁৱৰ জাতীয় বীৰ শ্বহীদ এজনৰ ঘৰলৈ গৈছিলোঁ । ভাৰতীয় সেনা জোৱান তেজাল ডেকাজনে কাশ্মীৰত উগ্ৰপন্থীৰ হাতত প্ৰাণ হেৰুৱাইছিল কেইমাহমান পূৰ্বে । পৰিয়ালৰ লগত কথা পাতি থাকোতে বাৰে বাৰে তেজাল ডেকাৰ ফটোখনলৈ চকু গৈছিল । বুকু পুৰিছিল । এনেতে দেখিলোঁ দুৱাৰৰ সিফালৰ পৰা আমন-জিমনকৈ আমাৰ কথা শুনি আছে কম বয়সীয়া মহিলা গৰাকিয়ে । অতিমাত্ৰা শেঁতা ওঁঠ আৰু উকা কপালেৰে তেখেতে আমন-জিমনকৈ আমাৰ কথা শুনি থকা দৃশ্যটো আছিল শ্বহীদ ডেকাজনৰ ফটোখনতকৈ বেছি দুখলগা ! জীৱন !!
১) আজি জাগীভকত গাঁৱৰ জাতীয় বীৰ শ্বহীদ এজনৰ ঘৰলৈ গৈছিলোঁ । ভাৰতীয় সেনা জোৱান তেজাল ডেকাজনে কাশ্মীৰত উগ্ৰপন্থীৰ হাতত প্ৰাণ হেৰুৱাইছিল কেইমাহমান পূৰ্বে । পৰিয়ালৰ লগত কথা পাতি থাকোতে বাৰে বাৰে তেজাল ডেকাৰ ফটোখনলৈ চকু গৈছিল । বুকু পুৰিছিল । এনেতে দেখিলোঁ দুৱাৰৰ সিফালৰ পৰা আমন-জিমনকৈ আমাৰ কথা শুনি আছে কম বয়সীয়া মহিলা গৰাকিয়ে । অতিমাত্ৰা শেঁতা ওঁঠ আৰু উকা কপালেৰে তেখেতে আমন-জিমনকৈ আমাৰ কথা শুনি থকা দৃশ্যটো আছিল শ্বহীদ ডেকাজনৰ ফটোখনতকৈ বেছি দুখলগা ! জীৱন !!
২) কেতিয়াও নেদেখা কিছুমান মানুহৰ কথাবোৰতেই একো একোটা জীৱন । জীৱনৰ সঞ্জীৱনী ।
কালি নগাঁৱৰ বয়স্ক ভদ্ৰমহিলাই ফোন কৰিলে আমাৰ লেখা পঢ়ি ।
: তোমাৰ লেখাবোৰ পঢ়ি মোৰ তেখেতলৈ মনত পৰে । ইমান পজিটিভ আছিল । কোনোবা ল'ৰা-ছোৱালীৰ ক'ৰবাত অকণমান ভাল দেখিলেই সকলোতে কৈ ফুৰিছিল । শিক্ষক আছিল । তোমাৰ কথাবোৰত মই সেই সুৰটো পাওঁ । কেতিয়াবা আনন্দত চকুপানী ওলাই ।…
: আপোনাৰ কথাকেইটাই মোক জীৱনক আৰু বেছি ভালপাবলৈ শিকাব বাইদেউ !
No comments:
Post a Comment