প্ৰেমপত্ৰৰ টুকুৰা বুলি সন্দেহ কৰি কাগজৰ টুকুৰাটো বন্ধুৰ পৰা কাঢ়ি লৈ মই দৌৰিছিলোঁ কৰিড'ৰেৰে । ক্লাচ টুৱেলভ্ । লে'জাৰ শেষ হোৱাৰ বে'ল বাজিছিলহে । পিছফালে চাই চাই দৌৰি আহি খুন্দা মাৰিলোহি আটাইতকৈ ভয় কৰা ইংৰাজী ছাৰৰ গাত । ছাৰৰ হাতৰ পৰা ৰেজিষ্টাৰ, দাষ্টাৰ, চক, চব সিঁচৰতি হৈ মাটিত পৰিল । মই হাৰ্টফেইল কৰাৰ আগতেই ছাৰে অতি প্ৰত্যাশিতভাবে মোক এটা মনত ৰখি যোৱা কাণতলিয়া চৰ শোধাই মোক হাৰ্টফেইলৰ পৰা বচালে । (এই বাক্যটো এতিয়া লিখোতে মই কাণখনত হাত দি লৈছোঁ ।) কঁপি কঁপি মই বস্তু কেইপদ মাটিৰ পৰা বুটলি ছাৰৰ হাতত দিছিলোঁ । মোতকৈ বেছি কঁপিছিল ছাৰ । মোৰ চকু তিতিছিল । ক্লাচৰ পৰা সকলোৱে জুমিছিল, দেখিছিল ।
তাৰ সাত মাহৰ পাছত ফাইনেল পৰীক্ষাত যেতিয়া ইংৰাজীত গোটেই চেণ্টাৰৰ ভিতৰত সৰ্বাধিক নম্বৰ লাভ কৰিলোঁ, ফলাফলৰ দিনা ছাৰে মোক একাষৰিয়াকৈ মাতি নি কান্ধত হাত থৈ ক'লে "সিদিনা চৰটো…" তেখেতৰ মাতটো সিদিনাতকৈ বেছি কঁপিছিল । কিবা ক'বলৈ খুজিছিল, নোৱাৰিলে । মই ভৰিৰ ফালে দোঁ খাইছিলোঁ, তেখেতে নিদিলে । কঁপা কঁপা মাথোঁ দুটা শব্দ সেই কাণতলিয়া খোৱা কাণখনেৰেই সোমাল "ইশ্বৰে মংগল…"।
তাৰ সাত মাহৰ পাছত ফাইনেল পৰীক্ষাত যেতিয়া ইংৰাজীত গোটেই চেণ্টাৰৰ ভিতৰত সৰ্বাধিক নম্বৰ লাভ কৰিলোঁ, ফলাফলৰ দিনা ছাৰে মোক একাষৰিয়াকৈ মাতি নি কান্ধত হাত থৈ ক'লে "সিদিনা চৰটো…" তেখেতৰ মাতটো সিদিনাতকৈ বেছি কঁপিছিল । কিবা ক'বলৈ খুজিছিল, নোৱাৰিলে । মই ভৰিৰ ফালে দোঁ খাইছিলোঁ, তেখেতে নিদিলে । কঁপা কঁপা মাথোঁ দুটা শব্দ সেই কাণতলিয়া খোৱা কাণখনেৰেই সোমাল "ইশ্বৰে মংগল…"।
No comments:
Post a Comment